JAYDRIAN MOOLMAN GEKROON AS JUNIOR KAMPIOEN

Merensky Landbou Akademie vier groot sukses nadat Jaydrian Moolman op 1 Februarie 2025 aan die Limpopo Closed Stroke Play Kampioenskappe by die Polokwane Country Club deelgeneem het.

In hierdie uiters mededingende toernooi het Jaydrian met ‘n indrukwekkende telling van 78 houe geslaag om die titel van Junior Kampioen van 2025 te verower. Sy toewyding en deursettingsvermoë op die gholfbaan het Merensky se naam weereens hoog gehou in sportkringe.

Ons is trots op jou, Jaydrian! Baie geluk met hierdie besonderse prestasie. Die hele skool ondersteun jou op jou reis na nog groter suksesse!

GOOGLE PHOTOS ALBUM: https://photos.app.goo.gl/bi1PqqcFbhGDKNXR8

MERENSKY GHOLFSPAN TRIOMFEER BY NOORDSTREEK INTERHOËR!

Merensky Landbou Akademie se gholfspan het op 17 Maart 2025 puik vertonings gelewer tydens die Noordstreek Interhoër gholftoernooi by die Louis Trichardt Gholfbaan. Die Plasies se spanne het uitstekende resultate behaal in verskeie afdelings.

A-Afdeling: Kampioene vir die Tweede Jaar

Die A-span van Merensky het hul oorheersing voortgesit deur vir die tweede agtereenvolgende jaar as Interhoër wenners gekroon te word. Hierdie merkwaardige span, bestaande uit Morné Huysamen, Jaydrian Moolman, George Steenkamp en Luka Heinlein, het met indrukwekkende spel hul teenstanders getroef.

B-Afdeling: Derdeplek vir Merensky

Die B-span het ook ‘n stewige vertoning gelewer en ‘n welverdiende derdeplek behaal. Henru Venter, Christo Venter, Leon de Lange en Xander Schoeman het almal bygedra tot hierdie uitstekende prestasie.

C-Afdeling: Nog ‘n Derdeplek vir die Plasies

Die C-span het gewys dat Merensky se gholftalent diep loop deur ook ‘n derdeplek in hul afdeling te verseker. Borman van der Westhuizen, Elrick Opperman, Justin Lessing en Zander Knoetze het ‘n besonderse spanpoging ingesit om hierdie prestasie te behaal.

Suid-Afrikaanse Verteenwoordiging

As Interhoër wenners sal Merensky Landbou Akademie nou, saam met die Suidstreek Interhoër wenner, Limpopo verteenwoordig by die SA Skole (Golf RSA) toernooi. Dit is ‘n ongelooflike eer en ‘n bewys van die hoë standaard wat Merensky se gholfspelers handhaaf.

Baie geluk aan al die spelers en hul afrigters! Ons sien uit na wat die toekoms vir Merensky Gholf inhou.

GOOGLE PHOTOS ALBUM: https://photos.app.goo.gl/rqesJBCGuJdtk1gKA